(IMAXES DE PROXECTO CROQUETA DE EDELVIVES-TAMBRE)
A CURIOSIDADE DEBE SER CONSTANTE NOS NENOS E NENAS, UNHA CURIOSIDADE POR SABER, POR INVESTIGAR, POR DESCUBRIR...
POR ISO, CURIOSEADE CON ELAS E CON ELES POR ESTE ESPAZO VIRTUAL, ONDE PODEREDES ATOPAR DIFERENTES RECURSOS INTERESANTES. MOITOS DELES XA OS VAN DESCUBRINDO NA AULA, PERO TAMÉN É IMPORTANTE QUE O FAGAN NA CASA...
NA LAPELA DE "RECANTO VIRTUAL" IREMOS SUBINDO ALGUNS RECURSOS RELACIONADOS COAS UNIDADES DE APRENDIZAXE DO PROXECTO E DOS CONTIDOS QUE ANDAMOS A TRABALLAR NA CLASE.
NESTE PRIMEIRO TRIMESTRE, OS DESAFÍOS E MISIÓNS SON:
- ALUMNADO DE 3 ANOS (4º DE INFANTIL): DESCUBRIR UN MISTERIO QUE ACONTECEU NA ESCOLA, UNHAS PEGADAS MISTERIOSAS FARÁN QUE SE CONVERTAN EN DETECTIVES CAZAMISTERIOS, E DESPOIS DE DESCUBRIR AO SOSPEITOSO OU SOSPEITOSA, IRÁN DESCUBRINDO QUE A TRAVÉS DAS PEGADAS, TAMÉN PODEMOS COÑECER DIFERENTES TIPOS DE ANIMAIS NO MUNDO.
- ALUMNADO DE 4 ANOS (5º DE INFANTIL): TEÑEN UNHA MISIÓN MOI IMPORTANTE, CONVERTIRSE EN AXUDANTES DO GNOMO DO BOSQUE. ESTE GNOMO PRECISA ATOPAR TRES INGREDIENTES PARA ELABORAR UNHA APÓCEMA MÁXICA. OS NENOS E NENAS TERÁN QUE VIAXAR POR TODO O MUNDO PARA ATOPALOS, E COÑECERÁN ADEMAIS DE LUGARES E PAISAXES INCRÍBLES, DIFERENTES ANIMAIS DOS BOSQUES DO NOSO PLANETA.
- ALUMNADO DE 5 ANOS (6º DE INFANTIL): TRES DESAFÍOS TERÁN QUE RESOLVER PARA ATOPAR TRES ANIMAIS A TRAVÉS DE DIFERENTES MISIÓNS ENCARGADAS POLA SOCIEDADE PROTECTORA DO PLANETA. NON LLES QUEDA OUTRO REMEDIO QUE CONVERTERSE EN EXPLORADORES E PROTECTORES DO PLANETA, E LOITAR CONTRA AS CATÁSTROFES NATURAIS, A CONTAMINACIÓN E A EXPLOTACIÓN E MALTRATATO ANIMAL, DESTE XEITO CONSEGUIRÁN COMPLETAR OS DESAFÍOS, DESCUBRINDO DIFERENTES HÁBITATS QUE HAI QUE COIDAR PARA QUE OS ANIMAIS SIGAN VIVINDO EN LIBERTADE E SEGUROS.
PARA AQUEL ALUMNADO, QUE POLAS CIRCUNSTANCIAS QUE SEXAN, NON POIDA ASISTIR ÁS CLASES PRESENCIAS, PODERÁN LEVAR UN SEGUIMENTO SEMANAL DAS TAREFAS A TRAVÉS DA AULA VIRTUAL E DESTE BLOG.
Comentarios
Publicar un comentario