REMATOU O SEGUNDO TRIMESTRE

Queridas familias e alumnado: 

Achégase un período que normalmente correspondería ás vacacións da Semana Santa. Polo que desexarvos que pasedes uns días ata a volta do 3º trimestre, o mellor que poidades. 

Para o terceiro trimestre, sen adiantarnos a como será desenvolvido, xa estará de novo no seu posto de traballo Cristina, a titora titular da aula de infantil. 

Así que, pola parte que a min me toca, quero que saibades que estou moi agradecido por ter desfrutado desta segunda oportunidade e formar parte da vosa comunidade escolar, é unha verdadeira honra. Moitas grazas tamén, e sobre todo nestes últimos días, pola vosa colaboración, por ter asumido un "plus" no voso rol, xa que sempre fostes, sodes e seredes os primeiros educadores dos vosos fillos e fillas. 

Dadas as circunstancias que temos, dentro das miñas posibilidades, aquí seguirei axudando tanto aos compañeiros/as como ás familias naquilo que precisedes.

Unha aperta moi forte para todxs, pero deixádeme que especialmente lle dirixa unhas palabras de agarimo aos verdadeiros protagonistas deste marabilloso traballo que desempeñamos os docentes:

A todo o alumnado do colexio de Rubiá en xeral, e en especial a Vera, Lía, Alexander, Aitor, María, Paula, Artai, Irene, Iria, Luca, Carlos, Rubén, Josué e Laia: Seguide así, querendo saber e aprender, querendo xogar, querendo participar en todo... Quérovos moito, e sempre, sempre, vos terei no meu recordo. E cando todo isto pase, intentarei facervos unha visita. Ata moi pronto! Bicos!

Saúdos, e de novo grazas. Ogallá nos poidamos ver todxs sans e con moita ledicia!

Felipe.