(nos meses de setembro e xuño, esta pode sufrir pequenas modificacións para adaptarse ao horario de xornada continua)
Antes de vir ao colexio.- debemos realizar a
autoavaliación na casa para descartar posibles síntomas. Non vamos ao colexio
se sospeitamos ou presentamos algún síntoma compatible a covid. Teñen que traer
o mandilón xa posto desde a casa cada día.
Antes de entrar no colexio.- por orde, tomaremos
a temperatura, desinfectaremos as mans e as pegadas do calzado na alfombra.
Despois en orde vamos ás ringleiras da nosa cor. Infantil é a aula
verde, entón vamos á ringleira de cor verde e poñémonos enriba dun círculo para
gardar as distancias.
Rutinas de entrada.- quitamos as
mochilas e colocámola no sitio que nos corresponde, tamén a roupa de abrigo se
fose o caso, cada quen na súa percha. No caso de quitar a máscara, primeiro aseamos
as mans, e hai que gardala no estoxo de máscara.
1ª sesión:
Para comezar, agora a asemblea será sentados
nas nosas cadeiras. Facemos os saúdos e as rutinas habituais da asemblea (o
calendario, o tempo, cantigas, repasar os nomes, etc) e tamén un tempo destinado á sesión de Ed. para
a saúde fronte á covid-19. Este ano non haberá a figura do/a encargado/a.
Despois podemos facer unha sinxela proposta
grupal (resolver un acertixo, repasar letras, a ruleta das letras,
números, xogo de imitación, pictos e ítems).... Ou conversar sobre algo. Tamén
para romper a monotonía de estar sempre sentados, podemos facer pequenos xogos
psicomotores ou de educación emocional.
2ª sesión:
A continuación pasamos ás tarefas individuais
de mesa. Este ano toca o proxecto croqueta, aprenderemos investigando, poñendo
a funcionar todo o noso cerebro. Excepto o xoves que teñen Relixión ou
Alternativa a relixión (segundo sexa o caso de cada quen).
Rutina 1.- recollida do
material (este ano non se pode compartir, cada quen será responsable do seu
propio material) e aseo de mans para poder tomar a
merenda, tranquilamente sentados.
Unha vez rematamos a merenda, volvemos a
facer un aseo de mans para poder poñer a máscara ( e
posteriormente se fose o caso a roupa de abrigo ou viseiras).
RECREO
(o tempo de media hora pode ser flexibilizado
por máis tempo, esta é unha das medidas do Plan adaptación Covid, pero
realmente, na etapa de Infantil sempre estivo permitido, a zona verde de
infantil é a que lle corresponde para estar no recreo. Sempre que non chova).
Rutina 2.- Á volta do recreo,
de novo un aseo de mans e sesión de contacontos, ou
lectura libre (Proxecto Lector).
3ª sesión:
6º.- rotación de recantos. (Este ano os
recantos son individuais, e irán rotando alternativamente unha vez ao día. Son
os recantos de plastilina, letras, biblioteca, ordenadores (2), encerado, plástica,
números, construcións e croqueta (este último relacionado co proxecto).
Rutina 3.- Recollida de
material e dos recantos e aseo de mans.
COMEDOR E RECREO
(O alumnado de infantil con servizo de
comedor, comerá na aula-comedor habilitada na mesma planta e estarán atendidos
por una persoa colaboradora de comedor que será sempre a mesma, e sairán ao
patio acotado como zona verde de infantil. Sempre que non chova) (Os menús escolares
estarán dispoñibles a través da Web oficial do colexio).
Rutina 4.- Á volta do recreo de
novo un aseo de mans e unha sesión de relaxación. Que pode
incluír posteriormente unha pequena sesión de debuxo libre ou guiada, tarefas
de estimulación sensorial, de fomento da atención e/ou da concentración. Xogos
psicomotrices e/ou técnicas de introdución ao mindfulness e de ioga para nenos/as.
Xogos didácticos manipulativos individuais. Actividades de repaso e/ou reforzo
e ampliación.
4ª e 5ª sesión:
obradoiros (en
función da duración dos mesmos)
Luns: Expresión Musical (Andrea)
Martes: Psicomotricidade (Iago) (Traer
roupa e calzado de deporte posta coma sempre).
Mércores: Plurinfantil e Lingua inglesa (Laura).
Xoves: PELO (Programa de Estimulación Lingüística
Oral) (Rubén).
Venres: TIC e audiovisuais. (Felipe)
Rutina 5 (de saída).- Recollida de
material, repasamos a xornada,. Aseo de mans. Poñemos a máscara,
roupa de abrigo (se fose o caso) e mochila (nesta orde). O mandilón irá todos
os días para casa (posto ou na mochila), e tamén as viseiras.
O alumnado de transporte sae pola porta do
patio interior, o resto pola porta principal, rógase puntualidade para evitar
aglomeracións.
OUTRAS NORMAS E MÁIS...
USO DE ASEOS: Para ir ao aseo, de un en un,
en infantil como contamos con dous aseos, un a cada aseo. Reforzar a necesidade
de lavar as mans despois de ir ao aseo. Secar as mans cos panos desbotables e tirar
na papeira con bolsa.
MERENDAS: os alimentos deben vir preparados
para o seu consumo, e que os mestres non teñamos que manipulalos se é posible. Recipientes
sinxelos de abrir e cerrar por eles/as mesmos/as. Auga en botella. Todo identificado
co seu nome. Non se permite compartir comida nin bebida.
MÁSCARAS: O alumnado ten que traer unha
máscara posta, e outra de reposto nun estoxo cerrado. En infantil a proposta é
que traian un paquetiño de 5 ou 10 máscaras para que queden de reserva
na aula, no caso de que precisen repoñelas nalgún momento. A máscara que traian
normalmente, é a que empregarán, no caso de ser reutilizable ou lavable, lóxicamente
vólvena a levar. De ser dun só uso, e de
ter que cambiala, débese tirar á papeleira con bolsa.
XOGUETES E OUTROS OBXECTOS: Non se permiten
traer da casa obxectos nin xoguetes se non foron solicitados para realizar unha
tarefa concreta.
MANDILÓN: É obrigatorio traelo posto desde a
casa. Todos os días o van a levar de volta. Que sexa de botóns.
MATERIAL: Non se pode compartir, e debe vir
debidamente identificado.
ROUPA DE MUDA: Como mínimo unha muda completa,
por si se manchan. No caso de precisar unha hixiene máis profunda, avisarase á
familia.
COMUNICACIÓN:
-
A
Aplicación Abalar Móbil principalmente (non se empregarán axendas) https://www.edu.xunta.gal/espazoAbalar/
-
Teléfono
do colexio (avisos ou comunicación telefónica, titorías...) (988324205)
-
Teléfono
do titor para casos excepcionais ou de maior urxencia (680354128)
-
Páxina
Web do colexio: información do colexio e
en xeral, avisos, notificacións, promoción de actividades, descarga de modelos,
etc.. Non hai que rexistrase par acceder
https://www.edu.xunta.gal/centros/ceipvirxedocamino/
-
Blog
da aula verde (infantil) “Onde comeza o camiño”: Información da aula de
infantil, promoción de tarefas e actividades, propostas, normas da aula, etc...
https://educacioninfantilrubia.blogspot.com/
-
Correo
electrónico do colexio: cando sexa para documentación oficial ou achega de arquivos.
( ceip.virxedocamino@edu.xunta.gal
)
-
Blog
do centro “Prevención e seguridade fronte á Covid”: Información e recursos
sobre a prevención fronte á Covid e o Plan de adaptación Covid. https://prevencioncovidrubia.blogspot.com/
-
Aula
virtual: no caso de suspensión de clases lectivas presenciais. Proposta de
actividades e seguimento do curso non presencial. (Cada alumno/a terá unha credencial
para acceder).
https://www.edu.xunta.gal/centros/ceipvirxedocamino/aulavirtual/
-
Equipo
Covid, para avisos relacionados coa sintomatoloxía Covid, dúbidas e consulta
Plan adaptación Covid
o
Coordinadora:
Andrea ( 653899773 - andrea@edu.xunta.gal )
o
Apoio
e suplencia: Felipe ( 680354128 – felipeulloagonzalez@edu.xunta.gal
)
Para solicitar unha titoría,
debedes prever con tempo suficiente para poder concertar unha data e hora.
Preferiblemente de xeito telemático. De ser presencial, cando o alumnado non
estea fóra das aulas.
Comentarios
Publicar un comentario